राज्य कर्मचाऱ्यांना महागाई भत्त्याचा मोठा दिलासा! जुलै पगारात दुहेरी फायदा, GR लवकरच जाहीर होणार

DA Hike 2025 | राज्यातील लाखो सरकारी कर्मचाऱ्यांसाठी आणि निवृत्त पेन्शनधारकांसाठी एक दिलासादायक बातमी समोर आली आहे. सध्या सुरू असलेल्या पावसाळी अधिवेशनात राज्य सरकारच्या वित्त विभागाने महागाई भत्त्यात वाढ करण्याचा प्रस्ताव पाठवला असून, त्यावर लवकरच अंतिम शिक्कामोर्तब होण्याची शक्यता आहे. हे मंजूर झाल्यास, जुलै महिन्याच्या पगारात कर्मचाऱ्यांना केवळ वाढीव महागाई भत्ता नव्हे, तर मागील सहा महिन्यांचा DA फरकही मिळणार आहे.DA Hike 2025

हे पण वाचा | सरकारी कर्मचाऱ्यांसाठी आनंदाची बातमी! आठव्या वेतन आयोगासाठी हे कर्मचारी पात्र? 

या निर्णयामुळे अगदी तालुक्याच्या तहसील कार्यालयात बसलेल्या लिपिकापासून ते जिल्हा परिषद शाळेतील शिक्षकांपर्यंत, सर्वसामान्य कर्मचाऱ्यांच्या खिशाला थोडं समाधान मिळणार आहे. महागाईच्या वाढत्या स्पीडमध्ये, कुठे घराचा हप्ता, कुठे मुलाचं शिक्षण, कुठे आई-वडिलांच्या औषधांचा खर्च, एवढ्या ताणात हा भत्ता म्हणजे एक छोटासा पण महत्वाचा आधार आहे.

राज्य सरकारकडून पाठवण्यात आलेल्या प्रस्तावानुसार, महागाई भत्ता थेट 55 टक्क्यांपर्यंत वाढवण्याचा विचार आहे. याची मांडणी केंद्र सरकारच्या धर्तीवर करण्यात आली आहे. केंद्र सरकारने मार्च महिन्यात आपल्या कर्मचाऱ्यांचा DA 55% केला होता आणि त्यानंतर अनेक राज्यांनी तोच निर्णय स्वीकारला. आता महाराष्ट्रही त्या दिशेने पाऊल टाकत आहे.

हे पण वाचा | सरकारी कर्मचाऱ्यांसाठी आनंदाची बातमी महाराष्ट्र सरकारनं घेतला मोठा निर्णय, पगारात होणार वाढ!

सर्वात महत्वाचं म्हणजे, ही वाढ जानेवारी 2025 पासून लागू होणार आहे. म्हणजेच, कर्मचाऱ्यांना केवळ वाढीव भत्ता नाही, तर जानेवारी ते जून 2025 या सहा महिन्यांचा फरकही मिळणार आहे. हा फरक थेट जुलैच्या पगारात समाविष्ट होण्याची शक्यता आहे. त्यामुळे कर्मचाऱ्यांच्या खात्यावर एकच वेळी चांगली रक्कम जमा होईल.

वित्त विभागाकडून यावर अंतिम निर्णय घेतल्यानंतर शासन निर्णय (GR) प्रसिद्ध केला जाणार असून, त्यानंतर वेतनपत्रकात तात्काळ बदल करण्यात येतील. वेतन विभाग आणि कोषागारे यांच्याकडून विभागनिहाय आणि जिल्हानिहाय वेतन हिशोब अद्ययावत केला जाईल.

सध्या शिक्षण, पोलीस, महसूल, कृषी, आरोग्य, सार्वजनिक बांधकाम, ग्रामविकास, परिवहन अशा अनेक खात्यांतील कर्मचाऱ्यांचे डोळे या निर्णयाकडे लागून आहेत. शिक्षकांना मुलांच्या शालेय गरजा पूर्ण करताना जिथे अडचणी येत होत्या, तिथे हा भत्ता छोटा का होईना, पण उपयोगी ठरणार आहे. महसूल खात्याचे कर्मचारी देखील गावागावात रात्रंदिवस काम करत असतात. त्यांच्यासाठी हा बोनससारखा लाभच म्हणावा लागेल.

पेन्शनधारक वयोवृद्ध लोकांच्या बाबतीत बोलायचं झालं तर, औषधोपचार, घरखर्च आणि इतर गरजा भागवताना त्यांना हा वाढीव भत्ता म्हणजे एक प्रकारचं जीवनसत्त्वच ठरेल. विशेषतः ग्रामीण भागात राहणारे निवृत्त कर्मचारी, ज्यांचं एकमेव उत्पन्न म्हणजे पेन्शन, त्यांना या निर्णयामुळे मोठा दिलासा मिळणार आहे.

हे पण वाचा | सरकारी कर्मचाऱ्यांसाठी आनंदाची बातमी महाराष्ट्र सरकारनं घेतला मोठा निर्णय, पगारात होणार वाढ!

सरकारकडून अधिकृत GR जारी झाल्यानंतर, सर्व कर्मचाऱ्यांना आपल्या बँक खात्यांवर लक्ष ठेवण्याचं आवाहन करण्यात येत आहे. पगारपत्रक तयार झाल्यावर लगेच फरकाची रक्कम तपासणं गरजेचं आहे. अनेकदा जिल्ह्यावार वेतन प्रक्रियेमध्ये चुकांमुळे कर्मचारी गोंधळात पडतात. त्यामुळे खबरदारी म्हणून स्वतःची खात्री करणे महत्वाचे.