IMD Weather Alert : महाराष्ट्रावर मुसळधार पावसापेक्षा मोठं संकट; पुढील ५ दिवस धोक्याचे, गारपीट-वादळाचा इशारा!

IMD Weather Alert | गेल्या काही दिवसांपासून पावसाने महाराष्ट्राच्या शेतकऱ्यांच्या काळजावर घाव घातलाय. एकीकडे अवकाळी पावसाने शेतातील उभं पीक उद्ध्वस्त केलंय, तर दुसरीकडे आता हवामान विभागानं आणखी गंभीर इशारा दिला आहे. पुढील पाच दिवस संपूर्ण राज्यासाठी अत्यंत धोकादायक ठरणार असल्याचा अंदाज वर्तवण्यात आला आहे.IMD Weather Alert

आता फक्त पाऊस नाही, तर गारपीट, वादळी वारे आणि अतिवृष्टीचा धोका राज्यावर घोंगावत आहे. ‘आयएमडी’नं म्हणजेच हवामान विभागानं दिलेला ‘हाय अलर्ट’ हा शेतकऱ्यांच्या आयुष्याशी थेट जोडलेला आहे. कधी उंबरठ्यावर उभं राहतं सुख, तर कधी गारपिटीच्या रूपानं उद्ध्वस्त होतं स्वप्नांचं घरटं… अशीच स्थिती पुन्हा एकदा उभी राहण्याची शक्यता आहे.

कुठं होणार सर्वाधिक परिणाम?

हवामान खात्याच्या अंदाजानुसार, पुढील ५ दिवस विदर्भ, मराठवाडा आणि मध्य महाराष्ट्र याठिकाणी वादळी वाऱ्यांसह जोरदार पावसाचा इशारा आहे. यासोबतच अनेक भागांमध्ये गारपिटीची शक्यता आहे. यामुळे खरिपाच्या तयारीत व्यस्त असलेल्या शेतकऱ्यांना मोठा आर्थिक फटका बसू शकतो.

40 ते 50 किमी प्रतितास वेगानं वारे वाहण्याची शक्यता वर्तवण्यात आली आहे, त्यामुळे विद्युत तारा, झाडं, उभं पीक यावरही प्रतिकूल परिणाम होऊ शकतो. मराठवाड्यातील जालना जिल्ह्यात पावसानं सुरुवात केली असून, गारपिटीचा तडाखा अनेक गावांवर बसलाय.

शेतकऱ्यांच्या डोळ्यात पुन्हा पाणी

एका बाजूला महागाई, दुसऱ्या बाजूला पीकविमा न मिळाल्याची तक्रार आणि आता पावसाचं हे संकट. पोटासाठी शेतात राबणारा बाप पुन्हा एकदा आकाशाकडे पाहतोय ‘काय हा सापळा नशिबाचा?’ फळबागा, हरभरा, गहू, कांदा, भाजीपाला या सर्वच पिकांवर गारपिटीचा परिणाम होण्याची शक्यता आहे. ज्या शेतकऱ्यांनी फडात माल आणला, त्याचा दर्जा घसरेल, आणि बाजारभाव कमी होईल.

हवामान खात्याचा इशारा – ‘अत्यावश्यक असेल तरच घराबाहेर पडा!’

राज्यातील लोकांना हवामान विभागाने स्पष्टपणे सूचित केलं आहे की, ‘अत्यावश्यक असेल, तरच घराबाहेर पडा.’ विजांच्या कडकडाटासह वादळी वारे, मुसळधार पावसामुळे शहरांमध्येही झाडं उन्मळण्याची, वीज खंडित होण्याची, तसेच अपघात होण्याची शक्यता आहे.

इतर राज्यांचाही समावेश

फक्त महाराष्ट्रच नव्हे, तर मध्य प्रदेश, उत्तर प्रदेश, उत्तराखंड आणि छत्तीसगड या राज्यांनाही आयएमडीनं मुसळधार पावसाचा इशारा दिला आहे. संपूर्ण उत्तर व मध्य भारतात हवामानात अचानक बदल होण्याची चिन्हं आहेत.

काय काळजी घ्यावी?

शेतकरी बांधवांनी पीक सुरक्षित ठेवण्यासाठी तातडीची उपाययोजना करावी. जनावरांना सुरक्षित ठिकाणी हलवावं. शक्य असल्यास शेतात न जाता घरातच थांबावं. बाजारात माल विक्रीसाठी नेताना हवामानाचा अंदाज घ्यावा.शाळा-कॉलेज व इतर कामांना जाणाऱ्यांनीही काळजी घ्यावी.

निसर्गाशी दोन हात करणाऱ्या शेतकऱ्यांच्या साठी हा काळ अत्यंत कठीण ठरू शकतो. पण योग्य तयारी, वेळीच सावधगिरी आणि शासनाची मदत मिळाली, तर नुकसान काही अंशी टाळता येईल. हवामान खात्याचे अपडेट सतत पाहत राहा, स्थानिक प्रशासनाच्या सूचनांचं पालन करा.

(डिस्क्लेमर : वरील माहिती ही हवामान खात्याच्या अंदाजांवर आधारित आहे. कृपया अधिकृत सूचनांवर विश्वास ठेवा व स्वतःची काळजी घ्या.)

हे पण वाचा | राज्यात मुसळधार पावसाचा इशारा! वातावरणामध्ये होणार मोठे बदल