Ladki Bahin Yojana: राज्य सरकारकडून सुरू करण्यात आलेली “माझी लाडकी बहीण योजना” ही आज राज्यातल्या लाखो महिलांसाठी एक आश्वासक आधार बनली आहे. घरखर्च सांभाळताना एक छोटा हातभार म्हणून दरमहा १५०० रुपयांची मिळणारी मदत या महिलांसाठी केवळ आर्थिक आधारच नाही, तर त्यांच्या आत्मसन्मानाचं प्रतीक ठरली आहे. एप्रिल महिन्यात हप्ता वेळेवर मिळाल्याने थोडीशी दिलासा मिळालेला असतानाच, मे महिन्याच्या हप्त्याची वाट बघणाऱ्या बहिणींना आता एक दिलासादायक बातमी समोर आली आहे. महिला व बालविकास विभागाने स्पष्ट केलं आहे की, मे महिन्याचा हप्ता वितरित करण्याची प्रक्रिया सुरू झाली असून, लवकरच तो थेट बँक खात्यांमध्ये जमा केला जाणार आहे.
हे पण वाचा | लाडकी बहीण योजनेसाठी ३३५ कोटी वळवले, मे महिन्याचा हप्ता ‘या’ दिवशी खात्यात येणार..
विशेष म्हणजे, या योजनेसाठी लागणारा निधी मिळवताना राज्य सरकारला मोठ्या आर्थिक अडचणींचा सामना करावा लागत आहे. नियोजनशून्यता आणि निधीअभावी वेळोवेळी हप्ते उशिरा येतात, तर काहीवेळा घोषणा देखील लांबणीवर टाकावी लागते. यंदाही महिला विभागाला मे महिन्याचा हप्ता देण्यासाठी अनुसूचित जाती-जमाती आणि आदिवासी विकास विभागाकडून निधी वळवण्यात आला आहे. ३३५ कोटी रुपयांचा निधी मंजूर झाल्यानंतरच या योजनेच्या अंमलबजावणीत गती आली आहे. पण यामागचं वास्तव असं आहे की, एका खात्याच्या हक्काच्या निधीवर दुसऱ्या खात्याचा आधार घेऊन चालवावी लागणारी योजना दीर्घकालीन ठरू शकते का, हा गंभीर प्रश्न निर्माण झाला आहे.
हे पण वाचा | लाडक्या बहिणीच्या खात्यात मे महिन्याचे 1,500 रुपये कधी मिळणार? आली मोठी अपडेट समोर..
या सगळ्या पार्श्वभूमीवर, सामाजिक न्याय मंत्री संजय शिरसाट यांनी केलेली टीका सरकारसाठी डोळे उघडणारी ठरू शकते. त्यांनी थेट विधानसभेत आवाज उठवत म्हटलं होतं, “जर सरकारला सामाजिक न्याय खातं नकोसं वाटत असेल, तर तेच बंद करा.” त्यांच्या या उद्गारांमागे योजनांच्या अंमलबजावणीबाबत असलेली उदासीनता आणि निधी वितरणातील दिरंगाई स्पष्टपणे दिसून येते. महिलांपर्यंत मदत पोहोचवण्यासाठी एवढी कसरत करावी लागत असेल, तर ही योजना केवळ निवडणूकपूर्वी दिलेलं आकर्षक वचन ठरतंय का, असा प्रश्न जनतेत उपस्थित होतो आहे.
हे पण वाचा | मान्सूनचं आगमन! काळ्या ढगांची गर्दी, पुढील 7 दिवस मुसळधार पावसाचा इशारा…
याच योजनेबाबत आणखी एक मुद्दा सध्या चर्चेत आहे – तो म्हणजे हप्ता वाढीच्या आश्वासनाचा. विधानसभा निवडणुकीआधी काही नेत्यांनी लाडकी बहीण योजनेतील रक्कम १५०० ऐवजी २१०० रुपये करण्याचं सांगितलं होतं. मात्र सत्तेवर आल्यावर ही घोषणा कागदावरच राहिली आहे. त्यामुळे अनेक महिलांना वाटतंय की त्यांचा वापर फक्त मतांसाठी करण्यात आला. त्या आशेने बघत होत्या की त्यांच्या संसाराला आणखी मदत मिळेल, पण ती आशा अजूनही अपुरीच आहे. Ladki Bahin Yojana
हे पण वाचा | फक्त आधार कार्डावर मिळवा 10 हजार रुपयांचे कर्ज; जाणून घ्या अर्ज कसा करावा..
या सगळ्या घडामोडींमध्ये एक गोष्ट मात्र निश्चित आहे. महिला अजूनही सरकारकडे आशेने बघत आहेत. त्यांना या योजनेतून फक्त पैसा नाही, तर आपलेपणाची जाणीव मिळते. गरिबीतही स्वाभिमान टिकवणाऱ्या या स्त्रिया खरोखरच “लाडकी बहिणी” आहेत. शासनाने त्यांच्या या विश्वासाला तडा जाऊ न देता, नियमित व पारदर्शक पद्धतीने ही योजना राबवावी, हीच वेळेची गरज आहे. कारण निवडणुका येतील-जातील, पण महिलांचा संसार मात्र दरमहा चालवावा लागतो आणि त्यात हा १५०० रुपयांचा हातभार, म्हणजे त्यांच्या संघर्षाला मिळालेली एक छोटीशी सवलत असते.
अशाच नवनवीन माहितीसाठी आमच्या व्हाट्सअप ग्रुप ला जॉईन करा
2 thoughts on “लाडकी बहीण योजनेचा मे महिन्याचा हप्ता लवकरच मिळणार; या तारखेला जमा होणार ₹1500?”