Maharashtra Weather Alert: राज्यात सध्या पावसाचा धुमाकूळ; तर या तारखेला मान्सून महाराष्ट्रात होतोय दाखल

Maharashtra Weather Alert : राज्यात पावसाने आपली दमदार एंट्री घेतली असून हवामान विभागाच्या अंदाजानुसार पुढील दोन दिवस महाराष्ट्रासाठी अत्यंत निर्णायक ठरणार आहेत. यंदाचा मान्सून अपेक्षेपेक्षा तब्बल आठ दिवस आधीच भारताच्या सीमेजवळ येऊन ठेपला आहे. २० मे रोजी संपूर्ण कोकणात ‘ऑरेंज अलर्ट’ जारी करण्यात आला असून २१ मे रोजी ‘रेड अलर्ट’ लागू होणार आहे. विशेष म्हणजे केरळमध्ये मान्सून २१ किंवा २२ मे दरम्यान दाखल होण्याची शक्यता असून, यामुळे संपूर्ण देशात हवामानात मोठा बदल घडेल, असा अंदाज वर्तवला जात आहे.Maharashtra Weather Alert

कोकणात रेड अलर्ट, घाटमाथ्यावर अतिवृष्टीचा इशारा

हवामान विभागाच्या माहितीनुसार, कोकणासह रत्नागिरी, सिंधुदुर्ग आणि रायगड जिल्ह्यांमध्ये २१ मे रोजी अतिवृष्टीची शक्यता असून या भागांसाठी ‘रेड अलर्ट’ जारी करण्यात आला आहे. त्याचबरोबर पुणे, सातारा आणि कोल्हापूर जिल्ह्यांच्या घाटमाथ्यावरही जोरदार ते अतिजोरदार पावसाचा अंदाज देण्यात आला आहे. त्यामुळे घाट भागात प्रवास टाळण्याचे आवाहन करण्यात आले आहे. विशेषतः २१ ते २३ मे या कालावधीत दाट धुके, घसरडे रस्ते आणि कमी दृश्यमानता यामुळे अपघाताचा धोका वाढू शकतो.

मान्सूनच्या वेगवान हालचाली; केरळला लवकरच भेट

१९ मे रोजी श्रीलंका ओलांडून मान्सून अरबी समुद्रातून वेगाने सरकू लागला असून तो केरळमध्ये २१ किंवा २२ मे रोजीच दाखल होण्याची शक्यता आहे. याआधी हवामान विभागाने २७ मे रोजी मान्सून केरळमध्ये पोहोचेल असा अंदाज वर्तवला होता. मात्र सध्याच्या घडामोडी पाहता यंदा मान्सून सर्वात लवकर दाखल होणारा ठरू शकतो. ही नोंद गेल्या शंभर वर्षांतली विक्रमी वेळ मानली जाईल. या बदलाचा परिणाम महाराष्ट्रासह संपूर्ण देशभरात जाणवेल.

राज्यभरात अलर्टचा पाऊस; कुठे कोणता अलर्ट?

रेड अलर्ट (२१ मे): कोकण किनारपट्टी – रत्नागिरी, सिंधुदुर्ग, रायगड

ऑरेंज अलर्ट (२०-२२ मे): कोकणसह मध्य महाराष्ट्र, घाटमाथा, विदर्भ

यलो अलर्ट (२०-२२ मे): पुणे, मुंबई, ठाणे, पालघर, जळगाव, नाशिक, सोलापूर, बीड, लातूर, परभणी, नांदेड, धाराशिव, अमरावती, अकोला, यवतमाळ, वर्धा, नागपूर, चंद्रपूर, गोंदिया, भंडारा आदी जिल्ह्यांमध्ये विजांच्या कडकडाटासह पावसाचा इशारा

काय घ्यावेत काळजीचे उपाय?

हवामान विभागाचे माजी प्रमुख डॉ. अनुपम कश्यपी यांनी नागरिकांनी या काळात विशेष सतर्क राहण्याचे आवाहन केले आहे. प्रशासनानेही आपत्कालीन यंत्रणांना तयार ठेवण्याचे आदेश दिले आहेत. ओले व घसरडे रस्ते, विजेचा प्रकोप, तात्पुरता पूर यांसारख्या अडचणींचा सामना करण्यासाठी नागरिकांनी शक्यतो घरातच राहावे. शेतकऱ्यांनीही पिकांचे नुकसान टाळण्यासाठी योग्य ती काळजी घ्यावी, असे आवाहन करण्यात आले आहे.

मान्सूनपूर्व हवामान बदलाचे चित्र ठळक

महाराष्ट्राच्या वातावरणात मोठा बदल जाणवू लागला आहे. उच्च स्तरावरील चक्रीय वाऱ्यांचे परिसंचरण तयार झाले असून आर्द्रता वाढत आहे. या परिणामी अनेक भागांत मे महिन्यातच जुलैसदृश वातावरण तयार झाले आहे. पुणे, कोल्हापूर, सातारा आणि घाटमाथ्यावरील भागांमध्ये रात्री उशिरा आणि सकाळी पावसाचे प्रमाण वाढले आहे. हा ट्रेंड पुढील ४ ते ५ दिवस राहण्याची शक्यता हवामान विभागाने वर्तवली आहे.

शेतकऱ्यांसाठी हवामान सल्ला

पावसामुळे जमिनीतील ओलावा वाढण्याची शक्यता आहे. मात्र अजूनही खरीप हंगामासाठी पेरणीला योग्य वेळ झालेला नाही. त्यामुळे शेतकऱ्यांनी कोणतीही घाई न करता पेरणी प्रक्रियेला सुरुवात करू नये. या काळात पाणी साठवणूक, शेततळ्यांची साफसफाई, बियाणांची निवड याकडे लक्ष देणे योग्य ठरेल.

हे पण वाचा | या योजनेअंतर्गत मिळणार 10 लाख रुपये! अर्ज प्रक्रिया काय