पावसाचा धोका वाढतोय! हवामान खात्याचा अलर्ट तुमच्यासाठी आहे का?

havaman andaj : राज्यात परत एकदा पावसाचं रौद्र रूप दिसत आहे. दक्षिण कोकण किनारपट्टीवर निर्माण झालेल्या कमी दाबाच्या पट्ट्यामुळे हवामान खात्याने जोरदार पावसाचा इशारा दिला आहे. मागील काही दिवसांपासून राज्यातील अनेक भागांत धो-धो पाऊस सुरू असून पुढील चार दिवस ही स्थिती कायम राहणार असल्याची माहिती हवामान विभागाने दिली आहे.havaman andaj

हे पण वाचा :–  महाराष्ट्रात पुढील 48 तास हाय अलर्ट ! हवामान विभागाने या जिल्ह्यांना  दिले  रेड अलर्ट

आजच्या अहवालानुसार रायगड, रत्नागिरी, सिंधुदुर्ग आणि पुणे जिल्ह्याच्या घाटमाथ्यावर मुसळधार पावसाची शक्यता आहे. त्यामुळे हवामान विभागाने या भागांसाठी रेड अलर्ट जारी केला आहे. त्याचबरोबर बुलढाणा, यवतमाळ, लातूर आणि नांदेडमध्येही जोरदार पाऊस होणार असल्याची शक्यता आहे. त्यामुळे या जिल्ह्यांना ऑरेंज अलर्ट तर सातारा, कोल्हापूर जिल्ह्यांसाठी यलो अलर्ट देण्यात आला आहे.

हे पण वाचा :–  राज्यामध्ये होणार मुसळधार पाऊस ! हवामान विभागाची माहिती 

डहाणूत पावसाचा कहर  चिंचेचं झाड कोसळून गरीब कुटुंबाचं घर उद्ध्वस्त, दोघे जखमी

पालघर जिल्ह्यातल्या डहाणू तालुक्यातील निंबापूर गावात मुसळधार पावसासोबत वादळी वाऱ्याने थैमान घातलं. या वादळी वाऱ्यामुळे एका चिंचेचं मोठं झाड कोसळून एका गरीब आदिवासी कुटुंबाचं घर पूर्णपणे उद्ध्वस्त झालं.

मोहन भोये आणि त्यांची पत्नी सुनीता भोये, हे दोघं घरात असतानाच झाड त्यांच्या घरावर कोसळलं. या अपघातात दोघंही जखमी झाले आहेत. सुदैवाने त्यांची प्रकृती धोक्याच्या बाहेर आहे, मात्र त्यांचं उरलेलं आयुष्य उभं राहण्याचं एकमेव साधन असलेलं घर मात्र जमीनदोस्त झालं.

हे पण वाचा :– शेतकऱ्यांना लवकरच मिळणार खरीप पिक विमा भरपाई! कंपनीने दिले लेखी आश्वासन

भोये कुटुंब हे कातकरी या आदिम जमातीचं असून वर्षातून सहा महिने विटभट्टीवर मजुरी करून गुजराण करतात. आधीच हलाखीच्या परिस्थितीत राहणाऱ्या या कुटुंबावर आता आणखी एक संकट ओढावलं आहे. सरकारी मदतीची वाट पाहत हे कुटुंब आज मोकळ्या आकाशाखाली दिवस काढतंय.

पाऊस आणखी तांडव मांडणार; खबरदारीची गरज

राज्यातल्या विविध भागांत भूस्खलन, झाडे कोसळणं, वीज पडणं अशा घटना घडत असल्याने नागरिकांनी अत्यंत सतर्क राहावं, असं आवाहन प्रशासनाकडून करण्यात आलं आहे. विशेषतः घाटमाथ्याच्या भागात अनावश्यक प्रवास टाळावा आणि शक्यतो घरातच राहावं.

शेवटी एवढंच…

पाऊस हा शेतीसाठी वरदान असला तरी, गरिबांच्या संसारावर कोसळणाऱ्या पावसाच्या थेंबांनी कित्येकांचे आयुष्यच विस्कळीत होतं. डहाणूच्या भोये कुटुंबावर घडलेली दुर्घटना फक्त बातमी नाही, ती एका वर्गाची वेदना आहे. सरकारने अशा कुटुंबांसाठी तातडीने मदतीचं हात पुढे करावा, अशीच साऱ्यांची अपेक्षा आहे.

अशाच नवनवीन माहितीसाठी आमच्या व्हाट्सअप ग्रुप जॉईन करण्यासाठी येथे क्लिक करा