Ladki Bahin Yojana May Payment :- मे महिन्याचा हप्ता कधी येणार? हा प्रश्न लाखो लाडक्या बहिणींच्या मनात गेल्या अनेक दिवसांपासून घर करून बसला होता. एप्रिल महिन्याचा हप्ता ७ मे रोजी मिळाल्यानंतर, मे महिन्याच्या हप्त्यासाठी सगळ्याच बहिणी उत्सुक होत्या. अखेर त्या प्रतीक्षेला आता पूर्णविराम मिळालाय. “मुख्यमंत्री माझी लाडकी बहीण” योजनेतील लाभार्थ्यांच्या खात्यात मे महिन्याची रक्कम जमा करण्यास सुरुवात झाल्याचं सांगत आमदार आदिती तटकरे यांनी सोशल मीडियावरून ही माहिती दिली आहे.Ladki Bahin Yojana May Payment
हे पण वाचा| शेतकऱ्यांसाठी आनंदाची बातमी! १००% अनुदानावर मोफत सोयाबीन बियाणे उपलब्ध!
मुख्यमंत्री माझी लाडकी बहीण योजनेअंतर्गत दरमहा मिळणारा ₹1500 चा सन्मान निधी हे लाखो महिलांच्या जगण्याचं आधारवड ठरत आहे. विशेषतः ग्रामीण भागातील, आर्थिकदृष्ट्या मागास महिलांसाठी ही योजना केवळ एक सरकारी मदत नसून त्यांच्यासाठी जगण्याचं बळ ठरत आहे. आता मे महिन्याचा हप्ता त्यांच्या खात्यात जमा झाला असून या माध्यमातून सरकारने महिलांबाबतची आपली बांधिलकी पुन्हा एकदा अधोरेखित केली आहे.
मुख्यमंत्री एकनाथ शिंदे, उपमुख्यमंत्री देवेंद्र फडणवीस व अजित पवार यांच्या मार्गदर्शनाखाली आणि महिलांचा अभूतपूर्व प्रतिसाद यामुळे ही योजना अधिक सक्षमतेने राबवली जात आहे. आदिती तटकरे यांनी योजनेच्या सध्याच्या टप्प्याबाबत माहिती देताना सांगितलं की, “महायुती सरकारचा दृढ निश्चय आणि लाडक्या बहिणींचा विश्वास यामुळेच ही योजना यशस्वीपणे पुढे जात आहे.”
हे पण वाचा| शेतकऱ्यांना या तारखेला मिळणार PM किसान योजनेचा हप्ता ! 31 मे पूर्वी करावे लागणार हे काम
एप्रिलनंतर आता मे हप्त्याचीही मदत मिळाली
लाडक्या बहिणींना यापूर्वी ७ मे रोजी एप्रिल महिन्याचा हप्ता मिळाला होता. त्यानंतर मे महिन्याच्या हप्त्यासाठी सोशल मीडियावर, गावागावच्या बँकांमध्ये महिलांची विचारपूस सुरू होती. अखेर ११व्या हप्त्याच्या माध्यमातून या महिलांच्या खात्यात आतापर्यंत एकूण ₹16,500 ची रक्कम जमा झालेली आहे. यापैकी काही महिन्यांमध्ये दोन हप्ते एकत्रित दिले गेले होते – उदा. फेब्रुवारी आणि मार्च महिन्याचे हप्ते एकत्रित मिळाले होते.
काहींना केवळ ₹500, तरीही मदतीचं समाधान
योजनेनुसार बहुतांश महिलांना दरमहा ₹1500 दिले जातात. मात्र ज्या महिला पीएम किसान सन्मान निधी योजना आणि नमो शेतकरी सन्मान योजनेचा लाभ घेतात, त्यांना यामधून केवळ ₹500 इतकं योगदान मिळतं. तरीही, “काहीतरी मदत होतेय” या समाधानानं त्या महिला समाधानी आहेत. सरकारकडून मदतीचा हात मिळतोय, ही भावनिक गोष्ट त्या महिलांसाठी मोठी आहे.
हे पण वाचा| शेतकऱ्यांना या तारखेला मिळणार PM किसान योजनेचा हप्ता ! 31 मे पूर्वी करावे लागणार हे काम
योजना म्हणजे सन्मान, केवळ पैसा नाही
या योजनेचा उद्देश फक्त आर्थिक मदत नव्हे, तर महिलांना ‘सन्मानाने जगता यावं’ हा आहे. घरी, समाजात, निर्णयप्रक्रियेत त्यांना महत्त्व मिळावं, यासाठी ही योजना एक पायरी आहे. आज लाखो महिलांच्या चेहऱ्यावर हप्ता जमा झाल्यामुळे हास्य आहे, आणि ते हास्यच योजनेच्या यशाचं खऱ्या अर्थानं प्रतीक आहे.
अशाच नवनवीन माहितीसाठी आमच्या व्हाट्सअप ग्रुप ला जॉईन करा