Ganga Saptami 2025  : त्रिपुष्कर आणि रवि योगाच्या महासंयोगाने खुलणार ५ राशींचं भाग्य, मिळणार हवी ती प्रत्येक गोष्ट!

Ganga Saptami 2025 : गंगा सप्तमी म्हणजे पवित्र गंगेचा जन्मदिवस. हिंदू धर्मात गंगा नदीचं स्थान अत्यंत पवित्र मानलं जातं. गंगेच्या पाण्यात स्नान केल्याने पापांचं क्षालन होतं, असा विश्वास आहे. यंदा गंगा सप्तमी ३ मे २०२५ रोजी शुक्रवारी येत आहे आणि विशेष म्हणजे या दिवशी त्रिपुष्कर योग आणि रवि योग हे दोन अत्यंत शुभ आणि दुर्मिळ योग एकत्र येत आहेत. अशा योगांमध्ये केलेले काम केवळ यशस्वीच होत नाही तर तीन पटीने फळ देतं, असं मानलं जातं.

या विशेष दिवशी जर एखादं शुभ कार्य, गुंतवणूक, खरेदी, व्यवसायाची सुरुवात, शिक्षणात नवी दिशा किंवा घरखरेदीसारखा निर्णय घेतला, तर त्याचे दीर्घकाळ सकारात्मक परिणाम दिसतात. यावर्षी गंगा सप्तमीचा दिवस केवळ धार्मिक दृष्टिकोनातूनच नाही, तर ज्योतिषशास्त्राच्या दृष्टीनेही अत्यंत महत्त्वाचा ठरत आहे. विशेषतः मेष, वृषभ, कर्क, वृश्चिक आणि मकर राशींसाठी हा दिवस सोनेरी भविष्याची सुरुवात करणारा असणार आहे.

गंगा सप्तमी म्हणजे काय?

गंगा सप्तमी म्हणजे गंगेच्या पृथ्वीवर आगमनाचा दिवस. यालाच गंगा जयंतीही म्हणतात. वैशाख महिन्याच्या शुक्ल पक्षातील सप्तमीला राजा भागीरथाच्या प्रयत्नांमुळे गंगा पृथ्वीवर आली, अशी कथा आहे. गंगेचं पृथ्वीवर आगमन मानवाच्या कल्याणासाठी झालं. म्हणून या दिवशी गंगेची पूजा, गंगेत स्नान, दानधर्म आणि उपवास केल्याने पापमुक्ती मिळते आणि जीवनात सुख-समृद्धी वाढते.

गंगा सप्तमी २०२५ : योगांचा महासंयोग (Ganga Saptami)

त्रिपुष्कर योग : सकाळी ०७:५१ ते दुपारी १२:३४ पर्यंत

रवि योग : पहाटे ०५:३९ ते दुपारी १२:३४ पर्यंत

हा काळ अत्यंत शुभ मानला जातो. त्रिपुष्कर योगात केलेलं कोणतंही कार्य तीनपट फळ देतं. व्यवसाय, गुंतवणूक, संपत्तीवाढ, स्थावर मालमत्ता खरेदी यासाठी हा वेळ सर्वोत्तम आहे. रवि योग हा सूर्याशी संबंधित असून बुद्धी, निर्णयक्षमता आणि यशवृद्धीसाठी पूरक असतो.

या ५ राशींचं खुलणार भाग्य

१. मेष रास – करिअरमध्ये सुवर्णसंधी, पैसा आणि प्रतिष्ठा दोन्ही मिळणार

गंगा सप्तमीच्या दिवशी तयार होणारे शुभ योग मेष राशीच्या लोकांसाठी विशेष फळदायी ठरणार आहेत. नवीन व्यवसाय सुरू करण्याचा विचार करत असाल तर हा दिवस सर्वोत्तम आहे. गुंतवणूक केल्यास ती तीनपट फळ देईल. नोकरीत पदोन्नतीचे योग आहेत. जुन्या प्रकल्पात यश येईल. काहीजणांना परदेशात काम करण्याची संधी मिळू शकते.

२. वृषभ रास – व्यवसायात यश, सामाजिक प्रतिष्ठेत वाढ

वृषभ राशीच्या व्यक्तींना या दिवशी कामाच्या ठिकाणी नवी ओळख मिळेल. तुमच्या कर्तृत्वाचं कौतुक होईल. नवीन प्रकल्प सुरू केल्यास त्यातून मोठा नफा मिळण्याची शक्यता आहे. त्रिपुष्कर योगाचा प्रभाव व्यवसाय वाढवण्यासाठी उपयोगी ठरेल. आधी केलेल्या गुंतवणुकीतून चांगला परतावा मिळेल.

३. कर्क रास – आर्थिक स्थैर्य, कौटुंबिक समाधान

गंगा सप्तमी आणि शुभ योगांचा परिणाम कर्क राशीच्या लोकांवर सकारात्मक दिसेल. आर्थिक दृष्टिकोनातून हा दिवस खूप लाभदायक ठरेल. नवा प्रोजेक्ट सुरू केल्यास त्यात यश मिळेल. ऑफिसमध्ये वरिष्ठांचे समर्थन मिळेल. काहींना घरगुती प्रश्नांवर समाधान मिळू शकतं. काहींना मिळकत किंवा नव्या घराची बातमी मिळू शकते.

४. वृश्चिक रास – जुने कर्ज फेडण्याचा योग, व्यवसायात यश

वृश्चिक राशीसाठी हा दिवस संधीचा ठरेल. नवीन व्यवहार, करार किंवा गुंतवणूक फायदेशीर ठरेल. काहींना सरकारी कामात अडकलेला प्रॉजेक्ट मंजूर होऊ शकतो. त्रिपुष्कर योगामुळे मेहनतीचं तिप्पट फळ मिळेल. जुने कर्ज फेडण्याची शक्यता आहे, ज्यामुळे आर्थिक दडपण कमी होईल.

५. मकर रास – करिअरमध्ये स्थिरता, उत्पन्नात वाढ

मकर राशीच्या व्यक्तींना गंगा सप्तमीचा दिवस विशेष लाभदायक ठरेल. करिअरमध्ये सकारात्मक बदल घडतील. जे व्यावसायिक नवीन उपक्रम सुरू करतायत, त्यांच्यासाठी हा काळ शुभ आहे. नोकरीत पदोन्नती किंवा नवीन जबाबदारी मिळण्याची शक्यता आहे. त्रिपुष्कर योग आणि रवि योगाच्या प्रभावाने धनलाभाची शक्यता वाढेल.

गंगेच्या पूजनाची पद्धत

या दिवशी सकाळी लवकर उठून स्नान करून गंगेच्या प्रतिमेवर किंवा तांदळावर गंगेचं प्रतीक ठेवून पूजा करावी. गंगा स्तोत्र, गंगा चालीसा वाचावी. पांढऱ्या वस्त्रधारण करून दानधर्म करावा. काही ठिकाणी या दिवशी नदीकाठावर विशेष पूजन केलं जातं. उपवास करून फळ, पाणी आणि दूधाचा नैवेद्य दाखवला जातो.

गुंतवणुकीसाठी योग्य वेळ

या दिवशी जो त्रिपुष्कर योग सकाळी ७:५१ ते १२:३४ या वेळेत आहे, त्यात गुंतवणूक केल्यास ती तीनपट परतावा देऊ शकते. शेअर बाजार, रिअल इस्टेट, सोने-चांदी खरेदी, किंवा नव्या व्यावसायिक करारासाठी ही वेळ अत्यंत शुभ आहे.

गंगा सप्तमीचे धार्मिक महत्त्व

गंगेच्या प्रत्येक थेंबात देवत्व आहे, असं मानलं जातं. गंगाजल घरात ठेवणं, गंगेत स्नान करणं किंवा गंगेचं स्मरण करणं, हे सगळं पवित्र मानलं जातं. या दिवशी गंगेची पूजा करून मागील कर्मांची शुद्धी होते, आणि आयुष्यात आनंद, आरोग्य आणि शांती प्राप्त होते.

गंगा सप्तमी २०२५ ही एक अध्यात्मिक आणि ज्योतिषशास्त्रीयदृष्ट्या दुर्लभ संधी आहे. त्रिपुष्कर आणि रवि योगाचा महासंयोग ५ राशींसाठी भाग्यफळ घेऊन येत आहे. अशा योगांमध्ये केलेले प्रत्येक चांगले काम यशस्वी ठरतं आणि आयुष्याला नव्या दिशा मिळते. तुम्ही त्या पाच राशींमध्ये असाल, तर ही संधी हातचं जाऊ देऊ नका. शुभ दिवस, शुभ कार्य, आणि भाग्याच्या उजेडात पुढे वाटचाल करा.

(सूचना : हा लेख धार्मिक आणि ज्योतिषीय श्रद्धांवर आधारित असून यात दिलेली माहिती उपलब्ध स्रोतांवर आधारित आहे. वाचकांनी आपल्या विवेकानुसार निर्णय घ्यावेत.)

हे पण वाचा | १ मार्चपासून आधार कार्ड वर लागू होणार नवीन नियम! आता आधार कार्डची कामे होणार झटपट..