Monsoon Update: या वर्षी पावसाची पावलं काहीशी घाईगडबडीत दिसत आहेत. अवकाळी पावसाच्या सरी अजून थांबायच्या आधीच आकाशातून ढगांचा फेरफटका सुरू झाली आहे. महाराष्ट्रात सध्या अवकाळी पावसाची मुसळधार हजेरी लागली असतानाच, आता हवामान विभागानं आणखी एक मोठा अंदाज वर्तवला आहे. अवकाळी पावसाने महाराष्ट्रातील काही भागांमध्ये मोठे थैमान घातले आहे. राज्यातील अनेक भागात ढगफुटी झाल्याचे समोर आले आहे. अवकाळी पावसामुळे शेतीची मशागत होणे अवघड झाले आहे. यामुळे शेतकऱ्यांमध्ये चिंतेचे वातावरण दिसत आहे. यंदा मान्सून केरळमध्ये वेळेआधीच दाखल होणार आहे.
हे पण वाचा | खूशखबर! सोनं झाले स्वस्त, जाणून घ्या सोन्याचे नवीन दर
हवामान खात्याच्या म्हणण्यानुसार, पुढील चार-पाच दिवसांत केरळच्या किनाऱ्यावर नैऋत्य मोसमी पावसाचा पहिला शिडकावा पडणार आहे. दरवर्षी एक जूनच्या आसपास मान्सून केरळमध्ये पोहोचतो. मात्र यंदा तो मे महिन्यातच प्रवेश करणार असल्याची शक्यता आहे. 2009 साली 23 मे रोजी असाच लवकर मान्सून आला होता. त्यानंतर तब्बल 16 वर्षांनी असं काही होणार आहे. हे ऐकून हजारो शेतकऱ्यांच्या हृदयात आशेचा नवा किरण फुलला आहे. गेल्या काही आठवड्यांपासून महाराष्ट्रात वादळी वाऱ्यांसह अवकाळी पावसाने थैमान घातलं आहे. गहू, डाळिंब, केळी, कांदा, आंबा अशा पिकांचं मोठं नुकसान झालं. अनेक ठिकाणी वीज कोसळून दुर्घटना देखील घडल्या. अशा परिस्थितीत पावसाच्या वेळेवर आगमनाची ही बातमी जणू एखादं समाधान देणारा श्वास आहे.
हे पण वाचा | राज्यात मुसळधार पावसाचा इशारा! वातावरणामध्ये होणार मोठे बदल पुढील पाच दिवस अलर्ट
पण सध्या धोका टळलेला नाही. हवामान विभागानं पुढील 48 तास धोक्याचे असल्याचा इशारा दिला आहे. कोकणासाठी रेड अलर्ट जारी करण्यात आला आहे. मुंबई, रायगड, रत्नागिरी, सिंधुदुर्ग भागांत जोरदार ते अतिमुसळधार पावसाचा इशारा देण्यात आला आहे. मराठवाडा आणि विदर्भातही पावसाचं आगमन होणार असून, तिथं यलो अलर्ट देण्यात आलाय. मुंबईत आज सकाळपासूनच पावसाने जोर पकडला. अनेक भागांत पाणी साचलं, वाहतूक विस्कळीत झाली. पुण्यातही पावसाच्या थेंबांनी धांदल उडवली. ऑफिस, बाजारपेठा, रस्ते सगळीकडे गडबडच गडबड. पावसाचं हे अचानक आगमन काही जणांसाठी त्रासदायक असलं, तरी शेतीकडे डोळा लावून बसलेल्या बळीराजासाठी मात्र हा एक दिलासा ठरतोय.
हे पण वाचा | पीएम किसान’चा पुढचा हप्ता जूनमध्ये; पण वेळेत हे केलं नाही, तर गमवाल 4,000 रुपये!
आपलं हवामान आता अंदाजांवरही मात करतंय. बदलत्या वातावरणात शेतकऱ्यांना वेळेवर माहिती मिळणं फार महत्त्वाचं झालं आहे. वेळेआधी मान्सून यायचा असला, तरी त्याचा फायदा शेतकऱ्यांपर्यंत पोहोचवणं आपली सामूहिक जबाबदारी आहे. “पावसाचं थेंब काही वेळा अंगाला झोंबतो, तर काही वेळा काळजात आशा रुजवतो. यंदाचा पाऊस कोणता असेल, हे वेळच ठरवेल. पण आशेच्या माळा गुंफत जगायचं कारण शेती म्हणजे केवळ व्यवसाय नाही, ती आपली श्रद्धा आहे.” Monsoon Update
अशाच नवनवीन माहितीसाठी आमच्या व्हाट्सअप ग्रुपला जॉईन करा
1 thought on “मान्सूनचं आगमन लवकरच; 16 वर्षांनी इतिहासाची पुनरावृत्ती, पहा हवामान खात्याचा नवीन अंदाज..”