Ration Card News : राज्यातील कोट्यवधी रेशन कार्डधारकांसाठी 1 मे 2025 पासून एक मोठा बदल लागू झाला आहे. सरकारच्या अन्न सुरक्षा योजनेअंतर्गत स्वस्त दरात मिळणारे तांदूळ, गहू, डाळी आणि साखर यांचा लाभ फक्त त्यांनाच मिळणार आहे ज्यांनी आपले रेशन कार्ड ई-केवायसीद्वारे वैध केलं आहे. ज्यांनी 30 एप्रिलपर्यंत ई-केवायसी पूर्ण केलेलं नाही, त्यांचं रेशन कार्ड आता निष्क्रिय (Inactive) होणार असून स्वस्त धान्याचा लाभ मिळणार नाही. Ration Card News
ई-केवायसी का आवश्यक?
गेल्या काही वर्षांत रेशन व्यवस्थेत मोठ्या प्रमाणावर अपात्र लाभार्थ्यांची नोंद झाली होती. डुप्लिकेट कार्ड, बनावट नावे आणि इतर अनियमितता टाळण्यासाठी सरकारने ई-केवायसी अनिवार्य केली आहे. ही प्रक्रिया पूर्ण झाल्याशिवाय रेशन मिळणार नाही.
ई-केवायसी म्हणजे काय?
ई-केवायसी ही आधारवर आधारित डिजिटल ओळखप्रक्रिया आहे. यामध्ये बायोमेट्रिक ओळख (फिंगरप्रिंट किंवा चेहरा) वापरून कार्डधारकाची वैधता तपासली जाते.
ई-केवायसी करण्याचे दोन मार्ग:
1) ऑफलाइन पद्धत –
जवळच्या रेशन दुकानात जाऊन आधार क्रमांक व कार्ड सादर करावा.
स्थानिक पुरवठादार बायोमेट्रिक यंत्राद्वारे फिंगरप्रिंट किंवा फेस रेकग्निशनने तुमची ओळख पडताळतो.
ही प्रक्रिया पूर्ण झाली की ई-केवायसी मान्य होते.
2) ऑनलाइन पद्धत –
मोबाइलमध्ये ‘Aadhaar FaceRD’ अ‍ॅप डाउनलोड करा.
तुमचा पत्ता व आधार क्रमांक भरून ओटीपीद्वारे व्हेरिफाय करा.
“Face-e-KYC” पर्याय निवडा आणि तुमचा चेहरा कॅमेऱ्याने स्कॅन करा.
प्रक्रिया पूर्ण झाल्यावर ई-केवायसी वैध मानली जाईल.
ई-केवायसी न केल्यास काय होईल?
संबंधित रेशन कार्ड तात्पुरते निष्क्रिय होईल.
सरकारी रेशन दुकानातून स्वस्त दरातील धान्य, डाळी मिळणार नाही.
घरातील सर्व सदस्यांवर याचा परिणाम होईल.
नंतर ई-केवायसी पूर्ण करून कार्ड पुन्हा सुरू करता येईल, मात्र तोपर्यंत धान्य बंद राहील.
शेवटची संधी हुकली का?
राज्य सरकारने ई-केवायसीसाठी 30 एप्रिल 2025 पर्यंत मुदतवाढ दिली होती. तरीही अनेकांनी ही प्रक्रिया पूर्ण केली नाही. आता त्यांना स्वस्त धान्यापासून वंचित राहावं लागणार आहे. ही कारवाई गरजूंसाठी असलेली यंत्रणा पारदर्शक ठेवण्यासाठी आणि चुकीचा फायदा घेणाऱ्यांवर नियंत्रण ठेवण्यासाठी आहे.
बातमी लेखन: Krushinews24X7 Team
हे पण वाचा | मोठी खुशखबर! महिलांना मिळणार रेशन कार्ड वर मोफत साडी? कधी मिळणार